An Rannóg Cearta Daonna

Brollach

Bunaíodh an Rannóg Coireachta Dlí – Rannóg Cearta Daonna i nDeireadh Fómhair 2018 chun cur chuige athnuaite maidir le seirbhís póilíneachta a sholáthar mar a bhaineann sé le Cearta Bunreachtúla/Daonna a chur i bhfeidhm. Déantar foráil i Ráiteas Misin & Straitéise an Gharda Síochána 2019 – 2021 “go gcruthóidh an Garda Síochána infreastruchtúr Cearta Daonna chun cur le tuiscint, le heolas, le hoiliúint, le polasaí agus leis an acmhainn seirbhísí a sheachadadh.”

Fócas athnuaite ar Chearta Bunreachtúla/Daonna

Eascraíonn an spreagadh taobh thiar den chur chuige athnuaite seo maidir le Cearta Daonna laistigh den Gharda Síochána as dhá fhorbairt tábhachtacha:

1. Alt 42 den Acht fá Choimisiún na hÉireann um Chearta an Duine agus Comhionannas, 2014

Éilíonn Alt 42(1) go ndéanfaidh comhlachtaí poiblí, le linn dóibh a bhfeidhmeanna a chomhlíonadh, aird a thabhairt ar an ngá atá ann an t-idirdhealú a dhíchur, agus comhionannas deiseanna agus córa dá bhfoireann agus do na daoine dá soláthraíonn siad seirbhísí a chur chun cinn. Éilíonn Alt 42(2) go ndéanfaidh comhlachtaí poiblí measúnacht, go rachaidh siad i ngleic le agus dtuairiscóidh siad ar dhul chun cinn maidir le comhionannas agus cearta an duine ina bplean straitéiseach agus ina dtuarascálacha bliantúla ar mhodh is inrochtana ag an bpobal.

2. Tuarascáil 2018 de chuid an Choimisiúin ar Thodhchaí na Póilíneachta in Éirinn

Shainaithin an Coimisiún go bhfuil cosaint chearta an duine mar bhunchloch do chuspóir agus misean na póilíneachta nuair a dúirt sé “mar sin, ní mór go neadófar cearta an duine i smaoineamh, éiteas agus oibríocht phearsanra an Gharda ag gach leibhéal.”  D’fhreagair an Garda Síochána ar Thuarascáil an Choimisiúin ar Thodhchaí na Póilíneachta in Éirinn nuair a dúirt sé i Ráiteas Misin agus Straitéise na hEagraíochta 2019-2021 ‘[beidh] cearta an duine ina mbunchloch ar a seachadóimid [ár] seirbhísí póilíneachta’

Cad í Feidhm na Rannóga Cearta Daonna

I Straitéis um Chearta an Duine de chuid an Gharda Síochána 2020-2022 leagtar amach conas atá sé i gceist ag an gGarda Síochána spriocanna tábhachtacha a bhaineann le Cearta an Duine a bhaint amach le linn saolré na Straitéise. Tá an Rannóg Cearta Daonna ina phríomhpháirtí leasmhar san Eagraíocht, a chomhlánaíonn spriocanna uaillmhianacha na hEagraíochta maidir le Cearta Daonna. Sa Straitéis Cearta Daonna tá 7 plean gníomhaíochta faoi na ceannteidil seo:

1. Oiliúint; 2. Neadú; 3. Coinneáil suas le Forbairtí Cearta Daonna; 4. Monatóireacht ar Chomhlíonadh; 5. Moltaí Seachtracha; 6. Cur i bhFeidhm na Straitéise a Fhíorú & 7. Ullmhu don chéad Straitéis eile.

I ngach ceann de na pleananna gníomhaíochta thuas tá roinnt gníomhartha atá le baint amach laistigh den tréimhse ama atá sa Straitéis Cearta Daonna seo. Is cuid lárnach den rannóg Cearta Daonna é na gníomhartha seo a thabhairt chun críche, agus tá cuid mhaith den obair críochnaithe.

Séanadh

Tá an t-eolas ceart ag an am a foilsíodh é. Ní comhairle dlí é seo agus níl sé i gceist go mbrathfaí air i dtoabh an ábhair anseo istigh agus níor chóir é a úsáid in ionad comhairle dlí ghairmiúil.