Ráiteas Straitéise an Gharda Síochána 2022 - 2024

Go raibh maith agat as do chuid ama a thógáil chun cuairt a thabhairt ar leathanach Ráiteas Straitéise na nGardaí 2022-2024 agus an chéad chéim a dhéanamh chun cur lenár seirbhís phóilíneachta a mhúnlú do na blianta amach romhainn. Níl Ráiteas Straitéise an Gharda Síochána ina dhoiciméad uaillmhianach amháin ach feicim é mar threochlár, bealach dúinn ár gcuspóirí a bhaint amach agus feabhas a chur ar an tseirbhís a chuirimid ar fáil don phobal a bhfuilimid chomh bródúil as fónamh air. Tá Garda Síochána i mbun athraithe atá bunaithe ar na moltaí atá leagtha amach i dtuarascáil na Seirbhíse Póilíneachta don Todhchaí, tá sé ar intinn againn cur leis seo.

Cad é Ráiteas Straitéise an Gharda Síochána ?

Leagfar amach sa ráiteas straitéise seo tosaíochtaí oibríochta fadtéarmacha an Gharda Síochána, chomh maith leis na príomhréimsí a gcaithfimid díriú orthu go hinmheánach d’fhonn tacú leo. Cuirtear i láthair é ar bhealach gonta ar chóir dó faisnéis chuí a thabhairt don phobal a bhfónaimis air orthu faoin treo a bhfuilimid ag leanúint.

Ár Ráiteas Straitéise a Fhorbairt

Cuirfidh an Garda Síochána speictream leathan tuairimí san áireamh agus an Ráiteas Straitéise 2022 - 2024 á chur le chéile. Tionólfar grúpaí fócais le grúpaí eitneacha agus cultúrtha éagsúla laistigh dár bpobail. Lorgóidh comhfhreagras foirmiúil tuairimí agus ionchur ó ranna rialtais, údaráis áitiúla, gníomhaireachtaí neamhrialtasacha agus ionadaithe pobail chomh maith le baill aonair den phobal

Cén úsáid a bhainfear as an ráiteas straitéise i ndáiríre?

Ar dtús, cuidíonn Ráiteas Straitéise an Gharda Síochána lenár bhfís a mhíniú do gach duine a oibríonn sa agus leis an nGarda Síochána, chomh maith leis na réimsí straitéiseacha a bhfuilimid dírithe orthu dá bharr.

Ar an dara dul síos, bunaíonn sé roinnt uaillmhianta agus príomhchuspóirí don Gharda Síochána nach mór a chur i bhfeidhm, trí ghníomhaíocht chlaochlaithe, gnó agus póilíneacht laethúil.

Mar fhocal scoir, is bealach é an doiciméad chun na pobail a ndéanaimid freastal orthu a spreagadh chun páirt a ghlacadh agus ról gníomhach a ghlacadh maidir leis an mbealach a théimid i mbun póilíneachta sa todhchaí.

Cén fáth ar chóir aighneacht a dhéanamh?

Is é an Garda Síochána do sheirbhís phóilíneachta. Trí theagmháil, spreagtar rannpháirtíocht, gníomh agus freagracht phearsanta. Tá sé de cheart ag gach duine againn ár dtuairim a thabhairt faoi na saincheisteanna a théann i bhfeidhm ar cháilíocht ár mbeatha.

Conas is féidir leat aiseolas a sholáthar?