Soláthraíonn Biúró an Gharda Síochána um Sheirbhísí Cosanta (GNPSB) comhairle, treoir agus cúnamh do Ghardaí a dhéanann an méid seo a leanas a imscrúdú: Imscrúdú ar Choireacht Ghnéasach; Imscrúdú ar Dhúshaothrú Leanaí ar Líne; Cosaint Leanaí; Idirghabháil agus Imscrúdú ar Fhoréigean Teaghlaigh; Imscrúdú ar Gháinneáil ar Dhaoine; Imscrúdú ar Striapachas Eagraithe; Agallóireacht Speisialaithe; Daoine ar Iarraidh; agus Tacaíocht d’Íospartaigh na Coireachta.
Déanann an Biúró an t-imscrúdú a stiúradh i gcásanna níos casta. Déanann an Biúró idirchaidreamh, chomh maith, leis na Ranna Rialtais, Comhlachtaí Stáit agus grúpaí deonacha ábhartha, agus cothaíonn sé an cur chuige ilghníomhaireachta i leith na gcoireanna seo agus a gcúiseanna a chomhrac. Is iad na príomhrudaí ar a mbreithnítear sna cásanna seo cosaint agus leas na n-íospartach, agus a chinntiú go ndéantar imscrúdú ceart ar na gníomhaíochtaí a líomhnaítear.
